تطرق الرئيس عبد الفتاح السيسي، خلال كلمته في افتتاح مشروعات جديدة في مجمع الصناعات الكيماوية بالجيزة، للحديث عن قانون الأحوال الشخصية الجديد.
قال الرئيس السيسي: لما اتكلمنا عن قانون الأحوال الشخصية قولنا شوية ملامح للقانون.. والنخبة اللي اشتغلت فيه مطمئنين أنهم خدوا كل وجهات النظر، وتم طرحها لأن الناس كانت بتشوف الكلام ده على منصة القضاء على مدى 30 سنة وأكثر.
وأضاف: لما اتكلمنا عن الملامح الرئيسية ده مش معناه أنكم ما تعملوش حسابكم في الحوار حوله.. لازم تعملوا حوار مجتمعي للقانون.
ولفت الرئيس قائلًا: “أكدنا على ضرورة أنه ما فيش تجربة شخصية تكون حالة عامة في القانون الجديدة للأحوال الشخصية.. إحنا بنعمل قانون الاستثناء للزواج والطلاق الخلاف أثناء الطلاق.. فيه أسر عندها قدرة تتجاوز الخلاف والأمور ماشية بسلام.. وأنت بتعمل قانون الاستثناء.. والحالة الواحدة اللي بتحصل لازم تتدرس لأنها مش ظاهرة”.
وأشار الرئيس إلى إنشاء صندوق لدعم الأسرة ضمن مشروع قانون الأحوال الشخصية الجديد، قائلا: “ليه بنعمل الفكرة دي.. أنا بقوله النهارده مش عاوزين أي أسرة والاختلاف وارد.. لما الاختلاف وارد فيه فترة زمنية وقت الاختلاف.. من يتكفل بالأبناء.. هما زعلانين ومش عاوزين يصرفوا.. طب مين اللي يصرف على الأولاد.. هل يضيع الأبناء؟!.. دول ولاد مصر.. صندوق دعم الأٍسرة في الأوقات الحرجة.. وقولنا الدعم الحكومي تساهم في بقدر ما يساهم فيه المتزوجين”.
وأكمل: قولت النهارده نعمل صندوق.. جاي تتجوز حط مبلغ للصندوق.. ومش كبير أوي.. اللي يقدر على الجواز يقدر يعمل ويشارك في الصندوق.. ولا تعقدوا تتخانقوا على الفرش والتكاليف.. لا ده مبلغ مش كتير.. وأنا كدولة اتفقت مع الدكتور مصطفي مدبولي.. نخط قد ما يجيب الصندوق.. مليار قصاده مليار.. مليارين هنحط مليارين.. تأمين أولادنا في كل شيء.. ده النقاش.. انتوا بتتكلموا عن نسبة طلاق.
وأكد الرئيس عبد الفتاح السيسي، أن الهدف من إجراءات وشروط الكشف الطبي للزواج في قانون الأحوال الشخصية الجديد ليس التعقيد، قائلا: “مش بعقدها خالص لا والله.. بطمن الأم والأب.. هو الجواز حاجة بسيطة.. ده أغلظ ميثاق.. فيه قاضي ومعاه مستشار بيشوف الفحوصات.. بيأكد وبيدي الأذن للعقد.. لأن الاتنين شافوا بالظبط.. الموقف واطمأنوا وقبلوا بالنتائج.. ويتعمل القعد على كده.. حد يقولي أنا مش خايف إن الناس تلجأ لأسلوب أخر.. أنا أمام الله بشرح وبأكد وبتكلم.. وبنحاول نعمل مسار يؤكد السلامة.
وتابع الرئيس: “الدكتور سعد الهلالي.. أتكلم عن شروط المسألة دي وأن السلامة من شروط الزواج من 1400 سنة.. اللى كان موجود وقتها ومتاح من معرفة.. المعرفة اتغيرت واتطورت.. بقي عندي فرصة اشوف أكثر.. اقدر أقول إن الانجاب فرصه قد إيه.. واعرف الخلل والعيب بالنسبة كمان.. طب لو الطب عملي كدولة ومش خدت بيه.. كدولة ظلمت حالة الزواج.. فيه كلام كتير .. واللى هتتفقوا عليه.. هو ده اللى هنفذه.. وده فرصة نتكلم مع الناس ونستفيد”.
وأضاف: “ده مش منظور أخر ومش طبي أو علشان الإعاقة أو عدم الإنجاب ده نقاش عميق جدا ومحاولة مننا أننا نتواجد ونضع حلول وطرحها بنفس العمق .. مش ناخدها كشف طبي بالطريقة دي.. الدكتور خالد عبد الغفار وزير الصحة.. واتفقنا على شروط الكشف الطبي.. وهنعمل لجنة برئاسة قاضي وتروحلها النتائج مميكنة عن طريق وزارة الصحة إلى القاضي ده لتصريح سلامة التحاليل.
